عشان بس تكون الصورة واضحة للجميع, أنا ولا كنت داخلة أوقع ولا كنت أصلا أتخيل إن ده ممكن يحصل (ان يتعملي بلوك يعني) الموضوع و ما فيه اني شوفت الفيديو بتاع ضغط الداخلية على أهالي الشهداء عشان يتنازلوا عن القضايا ة استفزني جدا لأن أنا شخصيا أعرف ناس لسه حتى الآن بيعانوا من بجم مابيختشوش في الداخلية.. و كنت مستنية إن الأدمن يرد رد حيادي, طبطبة كالمعتاد, يعني أي حاجة غير القفش ده مكنش في توقعي بتاتا و صراحة أنا شايفة انه نفس الاسلوب المتبع من قبلهم في الحياة بس الفرق انه بقى اونلاين..
المهم.. في الصور هتلاقوا ان مش انا بس اللي كنت كاتبة أكتر من كومنت في غيري بس الفرق ان موضوعي مكنش على هواهم!! و بما ان انا معرفتش اكتب باقي كلامي فانا هاكتبه هنا عشان كل الناس تقراه و لو غلطانة في كلامي انتقدوني او صححهولي
" قوللي مثلا يا عم الأدمن فسرلي اللي في الفيديو ده
فسّره ... أنا عارفة انك مش هترد يا هترد رد معلش يعني خايب من بتاع الداخلية اتغيرت و ان الثورة العظيمة الحلوة الامورة شعبها مش هيرضى بالفساد تاني بلا بلا بلا.. و كلام و احنا في ابتدائي كنا بنحفظه عشان نكتبه في التعبير!!
على فكرة انا مش بس بتكلم على الفيديو ده بس, انا شخصيا اعرف ناس لغاية دلوقتي بيعانوا من المعاملة القذرة بتاعة ضباط و أمناء الشرطة, من أول التهديدات عشان البلاغات لغاية الإتاوات!!!!!! الإتاواااااااات|
واحدة أعرفها و الله العظيم و الله العظيم و الله على ما أقول شهيد راحت تعمل محضر عشان محفظتها اتسرقت , أمين الشرطة بيقولها "إنت إتأخرتي, الراجل اللي بيلم فلوس المحضر مشي, كدا هتضطري تدفعي المحضر مرتين" !!!!!!!!!!!!!!!!!!!!!!!!!!!!!! ده على أساس ان المحضر أصلا بفلوس
شوفتوا ألعن من كدا!!!
معلش يا داخلية, احنا اسفين يا داخلية بس انت لسه مانضفتيش
"--
الصورة
معلش رفعتها على رابيدشير عشان تبقى High Res.
No comments:
Post a Comment